عتاب

بعد ما خلصت جامعة

انطويت ويا الشباب

اعمل ايه عندى فراغ

فيه سامه واكتئاب

لا وظائف خاليه اروحها

عندى عافيه اشيل تراب

ولا اكنس فى الشوارع

بس اخرج م العذاب

مال بلدنا حالها ايه

ليه سبتنا للذئاب

اللى يتعاطى مخدر 

يعنى بانجو أو هباب

يعنى متوانا القهاوى 

دكتواره فيها الخراب

شوروا اعمل ايه قولولى

فين حقوق كل الشباب

طب يا وطنى انت فين

عندى ليك شكوى وعتاب

خدت واجبك منى طبعا

فين حقوقى شعرى شاب

لسه شاب وعندى قوه

نفسى يبقالى مناب

فرصه حلوه او وظيفه

استفيدوا م الشباب

لو فى يوم بس انحرف

يبقى جه وقت الحساب 

إحنا بين فكين حديد 

احتياجنا والعقاب 

شعر / مصطفى نضرين